وروستی
د دوو ریګرېشنونو او یاقوت ډبرو د استخراج معدن د چاپېریالي وضعیت ارزونه ترسره شوه
۱۴۴۶کال د صفر ۱۸مه/ میدان وردګ
د میدان وردگو ولایت د چاپېـریال ساتنې ریاست د نظارتي ټیم
له لوري د چاپېریال قانون او مقرراتو د تطبیق په موخه د نرخ ولسوالی اړوند د امان
عرفان دُراني په نوم د یاقوت ډبرو د استخراج معدن او همدا راز د کابل کندهار عمومي
سړک ته څېرمه د دوو ریگرېشنونو د چاپېریالي چارو ارزونه ترسره شوه.
د چاپېریالي چارو مفتشینو د یادو فعالیتونو مسوولینو ته د
چاپېریال قانون او مقرراتو په هکله اړین معلومات او عامه پوهاوی ورکړ او لارښوونه یې
ورته وکړه چې خپل فعالیتونه به د چاپېریالي اصولو مطابق عیار او ترسره کوي.
همدا راز د ریګریشنونو مسولینو ته سپارښتنه وشوه چې د فعالیت
پر مهال د ګرد او غبار د مخنیوي پر مهال لازم تدابیر ونیسي او چاپېریالي روغتیا
ساتنې ته جدي پاملرنه وکړي.
د یادونې وړ ده چې د چاپېریالي چارو مفتشین په مرکز او ولایتونو
کې د هواککړوونکو سرچینو څخه په دوامداره توګه نظارت کوي، د هر ډول فعالیتونو مالکینو
ته د چاپېریال قانون او مقرراتو په هکله پوهاوی ورکوي او هغه څوک چې د چاپېریالي
اصولو څخه سرغړونه کوي د قانون منګولو ته یې سپاري.