وروستی
د طبي زبالو د تنظیم په موخه لغمان،غزني او زابل کې له یو شمېر کلینیکونو څارنه وشوه
۱۴۴۶کال د ربیع الثاني ۲۰مه/ لغمان-غزني-زابل
د طبي زبالو د تنظیم او مدیریت په موخه د لغمان، غزني او
زابل ولایتونو د چاپېریال ساتنې ریاستونو مفتشینو له خوا لغمان کې د ولایتي روغتون
د انسنراټورونو د فعالیت او طبیي زبالو د له منځه وړلو د څرنګوالي؛ غزني کې د عارف
ندا او بوعلي شجاع د معالجوي روغتونونو او همدا راز زابل کې د یو شمېر خصوصي کلینیکونو
د فعالیتونو له څرنګوالي څخه څارنه او ارزونه ترسره شوه.
د نظارت په لړ کې د روغتونونو مسوولینو ته د طبي زبالو د
تفکيک او په ټاکل شوو ځایونو کې د طبي زبالو د له منځه وړلو په هکله لازمې سپارښتنې وشوې.