وروستی
کابل ښار کې د ۵۴ فابریکو او تولیدي شرکتونو د چاپېریالي وضعیت ارزونه وشوه
۱۴۴۶کال د ربیع الثاني ۲۰مه/کابل
د هواککړتیا راکمولو او فعالیتونو کې د چاپېریال اصولو د
تطبیق په موخه د چاپېریال ساتنې ملي ادارې مفتشینو مرکزي ټیمونو لخوا د کابل ښار ۱۴ناحیې او ارغندي سیمه کې د ۵۴
مختلفو فعالیتونو : (د وسپنې ویلې کولو، المونیم، ویځونکو توکو، پلاستیکي توکو،
مرمر ډبرو او د ګچ د تولید او پروسس فابریکو؛ همدا راز د ریګریشنونو، معدني اوبو،
نوشابې، جوس، ایزوګام او د هډوکو د پروسس تولیدي شرکتونو) د فعالیتونو د څرنګوالي
او چاپېریالي وضعیت څخه نظارت ترسره شو.
د څارنې پر مهال د ذکر شوو فابریکو او تولیدي شرکتونو مسوولین
چاپېریالي ستونزو ته متوجه کړای شول او د اصلاح په موخه ورته لازمې سپارښتنې وشوې؛
همدا راز د چاپېریال قانون، مقرراتو او طرزالعملونو په هکله ورته عامه پوهاوی ورکړل
شو.
د هواککړتیا راکمولو په موخه د هواککړوونکو سرچینو او ټولو
فعالیتونو مسوولینو ته سپارښته کیږي چې خپل فعالیتونه د چاپېریالي اصولو مطابق عیار
او ترسره کړي.
سپارښتنه: هغه فابریکې او تولیدي شرکتونه چې د دود د تصفیې
فلټرونه یې غیر فعال، ویجاړ او یا هم د اوبو، هوا او خاورې د ککړتیا لامل وګرځي،
له قانوني چلند سره به مخ شي.
د چاپېریال ساتنې ملي ادارې نظارتي ټیمونه په مرکز او ولایتونو
کې د هواککړوونکو سرچینو څخه په دوامداره توګه څارنه کوي او هغه څوک چې له چاپېریالي
اصولو څخه سرغړونه کوي د قانون منګولو ته یې سپاري.