وروستی
وردګ پوهنتون کې د چاپېریال ساتنې د اهمیت په اړه یو ورځینی علمي سمینار ترسره شو
۱۴۴۶کال د جمادي الاول ۱۴نېټه/ میدان وردګ
د میدان وردگو ولایت د چاپېریال ساتنې ریاست او وردګ
پوهنتون په ګډه همکارۍ د وردګ پوهنتون
استادانو او محصلینو ته د چاپېریال ساتنې د اهمیت تر عنوان لاندې د محصلینو
د عامه پوهاوي په موخه یو ورځنی علمي سمینار ترسره شو.
د سمینار په پیل کې د میدان ودرګو ولایت د چاپېریال ساتنې
رئیس مولوي الله محمد ذاکر لخو د چاپېریال ساتنې، اقلیمي بدلون، ښکار د مخنیوي او
طبیعي منابعو د اهمیت په اړه وینا وکړه او طبیعي منابع یې د هیواد ملي شتمني یاده
کړه چې باید ساتنه یې وشي. ښاغلي ذاکر یادونه وکړه چې چاپېریال ساتنه او پالنه د ټولنې
د ټولو وګړودیني، ایماني او جداني دنده او مسولیت دی چې باید ادا یې کړي.
د غونډې په لړ کې د وردګ پوهنتون رئیس شیخ صفت الله حقاني د
اسلام له نظره د چاپېریال د اهمیت او ساتنې په اړه هر اړخیزه وینا وکړه او محصلین یې
د چاپېریال ساتلو او پالنې ته تشویق کړل، دغه راز د اجندا سره سم د یاد پوهنتون د
کرنې پوهنځي استاد د چاپېریال ساتنې د اهمیت په اړه جوړ شوی پریزنتیشن له ګډونوالو
سره شریک کړ او دګډونوالو پوښتنو ته یې ځوابونه ورکړل. د سمینار څخه وروسته یو شمیر
تاریخ تیر شوي لابراتواري مواد له منځه یووړل شول.