وروستی
ارګون کې د طبي زبالو د تنظیم په موخه مشورتي غونډه وشوه
۱۴۴۶کال د جمادي الاول ۲۸نېټه/ پکتیکا
د پکتیکا ولایت د چاپېریال ساتنې ریاست لخوا ارګون ولسوالۍ
کې د طبي زبالو د تنظیم او مدیریت په موخه د ۱۴۰۳کال د لیندۍ په ۱۰مه نېټه مشورتي غونډه وشوه چې
پکې د ارګون ښاروال، د دولتي روغتون مسولینو، د خصوصي سکتور رئیس او خصوصی کلینکونو مسولینو ګډون کړی وو.
په غونډه کې د طبي زبالو د اضرارو، تنظیم او مدیریت په اړه
هر اړخیز بحث او خبرې وشوې او پریکړه وشوه چې د اړونده ادارو استازو په شمول دې یوه
ګډه کميټه جوړه او د طبي زبالو د تفکیک، انتقال او له منځه وړلو لپاره دې مناسب ځای
او انسنراتور پیدا کولو لپاره هلې ځلې وکړي او د عملي اقداماتو لپاره
به په ګډه کار کوي.