وروستی
ننګرهار کې د افغانستان اقليمي بدلون د ستراتيژۍ د بيا کتنې په هکله دوه ورځنې مشورتي ورکشاپ پای ته ورسيده
۱۴۴۶کال
د جمادي الثاني ۱۰مه/
جلال اباد
د چاپېریال ساتنې ملي ادارې په هدايت د ننګرهار ولايت د چاپېریال
ساتنې رياست او د پياوړتيا لوړولو، چاپېريال ساتنې او بشري مرستو (رها) مؤسسې په تخنيکي همکارۍ ننګرهار کې
د افغانستان اقليمي بدلون د ستراتيژۍ د بيا کتنې په هکله دوه ورځنې روزنیز مشورتي
ورکشاپ جوړ شوی و چې پکې د ختیځ زون د چاپېریال ساتنې رئیسانو، کارکوونکو، ننګرهار
ولایت مقام استازو، د پوهنتون استادانو او متخصصینو ګډون کړی وو.
په دې ورکشاپ کې د اقلیمي بدلون د ناوړه اغېزو او اقلیمي
بدلون د ستراتېژۍ په هکله هر اړخیز بحث او خبرې وشوې؛ ګډونوالو خپل نظرونه او وړاندیزونه
شریک کړل چې تر سلا مشورو وروسته به د افغانستان د اقلیمي بدلون ستراتېژۍ په غني
کولو کې ترې ګټه واخستل شي.
یاد دوه ورځنی ورکشاپ تېره ورځ د لیندۍ په ۲۱مه نېټه پای ته ورسیده.
