وروستی
راځئ چې خپل ماشومان کوچنیوالي کې چاپېریال ساتنې ته وهڅوو
۱۴۴۶کال
د جمادي الثاني ۱۹مه/کونړ
چاپېریال ساتنې ته د زده کوونکو د هڅونې او ټولنه کې د چاپېریال
ساتنې فرهنګ ترویج په موخه د کونړ ولایت د چاپېریال ساتنې ریاست مسوولینو اسعداباد
کې د سېد جمال الدين افغان روزنتون او عثماني خصوصي ښوونځي کابو (۶۰۰) زده کوونکو ته د اقليمي
بدلون، د ځنګلونو، وحشي ژوو، ونو او چاپېریال ساتنې د ارزښت او اهمیت په هکله عامه
پوهاوی ورکړ.
زده کوونکي چاپېریال ساتنې ته وهڅول شول او سپارښتنه ورته
وشوه چې چاپېریال ساتنې ته جدي پاملرنه وکړي.
چاپېریال ساتنه زموږ ټولو دیني مسوولیت دی؛ راځئ چې خپلو
ماشومانو ته په کوچنیوالي کې چاپېریال ساتنه ور زده کړو!