وروستی
د هوا ککړتیا راکمولو او مخنیوي په موخه د (۸۳) لوړپوړیزو ودانیو له مرکز ګرمیو او سونسیسټمونو څارنه وشوه
۱۴۴۵کال د جمادي الثاني ۲۴مه/ کابل
د چاپېریال ساتنې ملي ادارې د شپنیو نظارتي ټیمونو لهخوا د
تېرې یوې اونۍ په لړ کې د هواککړتیا راکمولو او مخنیوي په موخه د کابل ښار په (۱۵،۱۱،۱۰،۷،۵،۳،۲) ناحیو
کې د (۸۳) لوړپوړیزو
ودانیو د مرکز ګرمیو، سونسیسټمونو او د دود د تصفیې فلټرونو د فعالیتونو د څرنګوالي
څخه هر اړخیز نظارت ترسره شو.
د نظارت په ترڅ د (۲۰) لوړپوړیزو
ودانیو د سونسیسټمونو او د دود د تصفیې فلټرونو فعالیت ستونزمن و ارزول شو چې د
هواککړتیا لامل و چې دې جملې د ځینو ودانیو سونسیسټمونه او د ځینو هغو د دود د
تصفیې فلټرونه ستونزمن او د هواککړتیا لامل ګرځیدلي وو چې د چاپېریالي چارو مفتشینو
له لوري یې له مالکینو څخه لیکلې ژمنې واخیستل شوې او درې ورځې مهلت ورکړل شو چې
موجوده ستونزې به حل کوي چې مالکینو یې هم د حل ژمنه وکړه.
همدا راز د نظارت شوو ودانیو له ډلې څخه د ۵ ودانیو د سونسیسټمونه چې د دود د تصفیې فلټرونه
یې ویجاړ او د چاپېریالي چارو مفتشینو د سپارښتنو سره سره یې بیا هم نه و ترمیم کړي،
مُهرولاک شول.
د چاپېریال ساتنې ملي اداره د هواککړتیا راکمولو او مخنیوي په موخه د هواککړوونکو
سرچینو هر ډول فعالیتونو مسوولینو ته سپارښته کوي چې خپل فعالیتونه د چاپېریالي
اصولو مطابق عیار او ترسره کړي.
هغه فابریکې، تولیدي شرکتونه او لوړ پوړیزې ودانۍ چې د دود د تصفیې فلټرونه یې غیر
فعال، ویجاړ او یا هم د اوبو، هوا او خاورې د ککړتیا لامل وګرځي، له قانوني چلند
سره به مخ شي.
د یادونې وړ ده چې د چاپېریال ساتنې ملي ادارې نظارتي ټیمونه شپه او ورځ په مرکز
او ولایتونو کې د هواککړوونکو سرچینو څخه په دوامداره توګه څارنه کوي او هغه څوک چې
له چاپېریالي اصولو څخه سرغړونه کوي د قانون منګولو ته یې سپاري.