وروستی
هر ډول وسایل چې له مجاز حد څخه لوړ غږونه تولیدوي، کارول یې منع دي
۱۴۴۶کال د جمادي الثاني ۲۸مه/ پکتیکا
د پکتیکا ولایت د چاپېريال ساتنې رياست د نظارت او ارزونې ټيم
له خوا په مرکز ښرنې ښار کې د غږيږي ککړتیا د لمنځه وړلو په موخه د موټرو او موټرسایکلونو
د ډیکوریشن او پرزو ۱۳
دوکانونو څخه څارنه ترسره شوه.
د نظارت په لړ کې هټۍوالو ته سپارښتنې وشوې چې د غږیزې ککړتیا
د مخنیوي په موخه دې د هر ډول لوړ غږ لرونکو سلنسرونو او لېزري بتيو د پېر او پلور
مخنیوی وکړي.
د غږیزې ککړتیا د مخنیوي مقررې د حکم له مخې د هر ډول لوړ غږ
لرونکو وسایلو کارول چې د انسان په روح او روان ناوړه اغېزې کوي، منع دي؛ که هر چا
له دې امر څخه سرغړونه وکړه له قانوني چلند سره به مخ شي.
د یادونې وړ ده چې په دې وروستيو کې د پکتیکا ولایت د اوسیدونکو
لهخوا د غږيږي ککړتیا څخه ډیر شکایتونه شوي وو چې د یادې ستونزې د حل په موخه د
پکتیکا ولایت د چاپېريال ساتنې رياست په وار وار سره د غږيږي ککړتیا د مخنیوي په
موخه عملي اقدامات ترسره کړل او په تېره اونۍ کې یې د مختلفو امارتي ادارو سره
مشورتي غونډه وکړه چې د یادې غونډې د پرېکړې په اساس د غږیزې ککړتیا د مخنیوي
لپاره ځانګړې کمېټه جوړه شوه؛ ترڅو یاده ستونزه حل شي.