وروستی
د چاپېریال ساتنې ملي ادارې عمومي رئیس د هرات ولایت له صنعتکارانو سره د یوې ناستي پر مهال وکتل
١٤٤٦کال د شعبان ١٩/هرات
د چاپېریال ساتنې ملي ادارې عمومي رئيس مولوي مطیع الحق
خالص او ورسره پلاوي د هرات ولایت له صنعتکارانو سره د یوې ناستې پر مهال وکتل، چې
موخه یې د چاپېریالي ستونزو حل، د فابریکو له لوري د هوا او اوبو د ککړتیا مخنیوی
او د چاپیریالي اصولو تطبیق وو.
د ناستي په پیل کې د هرات د کانونو او صنایع خونې رئیس حمیدالله
خادم د خپلو فعالیتونو په اړه معلومات وړاندې کړه.
نوموړي وويل دا مهال په هرات صنعتي ښارګوټي کې شاوخوا ١٥٠٠
تولیدي او صنعتي فابریکې فعالیت کوي چې په زرګونو هېوادوالو ته یې کاري فرصتونه
برابر کړي.
د چاپېریال ساتنې ملي ادارې عمومي رئيس د خپلو څرګندونو پر
مهال وویل د فابریکو مالکین د چاپېریالي ستونزو د مخنیوي په منظور باید اصول مرعات
کړي او داسي فعالیت وکړي چي چاپېریال ته زیان و نه رسوي.
ښاغلي خالص زياته کړه حکومت په بشپړه توگه په هېواد کې د
خصوصي سکتور ملاتړ ته ژمن دی خو صنعتکاران دي له چاپېریال سره په همغږۍ کار کولو
ته دوام ورکړي.
د صنعتکارانو استازو هم په خپلو خبرو کې د چاپېریال ساتنې
ملي ادارې له همکاریو مننه وکړه او ژمنه یې وکړه، چې د چاپېریال د ککړتیا د مخنیوي
لپاره به لازم ګامونه پورته کوي.
یاده غونډه د متقابل تفاهم او ګډ کار د پیاوړتیا لپاره ګټوره
وبلل شوه، او دواړو لوریو ژمنه وکړه، چې د چاپېریال ساتنې په برخه کې به خپلو هڅو ته دوام ورکوي.