وروستی
د چاپېریال ساتنې ملي ادارې عمومي رئیس د ملګرو ملتونو د پراختیایي پروګرام له رئیس سره د چاپېریالي پروژو د تطبیق په هکله خبرې وکړې ۱۴۴۶کال د رمضان المبارک۱۶مه/ کابل د چاپېریال ساتنې ملي ادارې
۱۴۴۶کال د رمضان المبارک۱۶مه/ کابل
د چاپېریال ساتنې ملي ادارې عمومي رئیس مولوي مطیع الحق
خالص د ۱۴۰۳کال
د کب په ٢٦مه نېټه خپل کاري دفتر کې د ملګرو ملتونو د پراختیایې پروګرام (UNDP)له
رئیس ښاغلي سټیفن سره وکتل؛ په دې لیدنه کې د افغانستان لپاره د 9.98میلیونه ډالرو
په ارزښت د نړیوالو چاپېریالي اسانتیاوو صندوق
(GEF) له لوري د تصویب شوې او اقلیمي بدلون سره د
مبارزې په تړاو نړۍوالو کنوانسیونونو ته د یو شمېر وړاندیز شوو پروژو په هکله بحث
او خبرې وشوې.
د چاپېریال ساتنې ملي ادارې عمومي رئیس د (UNDP) رئیس او ورسره پلاوي ته ښه
راغلاست ووایه او غوښتنه یې ترې وکړه چې هره پروژه باید په ګډه همکارۍ او همغږۍ
تطبیق شي؛ ځکه ګډ او مشترک کار ډیرې لاسته راوړنې لري.
د ملګرو ملتونو د پراختیايي پروګرام رئيس هم د ګډ او مشترک
کار پر اهمیت خبرې وکړې او ویې ویل چې له چاپېریال ساتنې ملي ادارې سره تر ټولو ډیره
همغږي لري.
نوموړي وویل: دا زموږ او تاسو ګډې لاسته راوړنې دي چې د ۱۰میلونو ډالرو په ارزښت پروژه
تصویب شوه. ده وویل: زه هیله مند یم چې نورې پروژې به هم را جلب کړو.
د غونډې په لړ کې د ګډونوالو لخوا د اقلیمي بدلون او چاپېریالي
پروژو د تطبیق د څرنګوالي په تړاو هر اړخیز بحث او خبرې وشوې او پر ګډ کار او همغږۍ ټینګار وشو.