وروستی
اقلیمي بدلون او ټولنیز یووالي" تر عنوان لاندې جوړ شوی ورکشاپ پای ته ورسېد
١٤٤٦کال د رمضان المبارک ٢٧مه/ کابل
د اقلیمي بدلون د منفي اغېزو د مخنیوي، چاپېریالي پوهاوي لوړولو او د ټولنیز یووالي
د پیاوړتیا په موخه، د چاپېریال ساتنې ملي ادارې او جنیوا کال نړیوال سازمان له
لوري دوه ورځنی روزنیز ورکشاپ تر سره شو چې په بریالیتوب سره پای ته ورسېد.
یاد ورکشاپ چې د "اقلیمي بدلون او ټولنیز یووالي" تر عنوان لاندې جوړ شوی
و، د بېلابېلو ادارو استازو، فعالانو او متخصصینو ګډون کړی و.
د ورکشاپ په وروستیو ورځ ګډونوالو ټينګار وکړ چې اقلیمي بدلون یوه نړیواله ننګونه
ده، چې زموږ سیمه یې هم له جدي اغېزو سره مخ کړې. موږ ټول مکلف یو چې په ګډه د طبیعت
ساتنې لپاره عمل وکړو. ټولنیز یووالی او اسلامي ارزښتونه موږ ته د چاپېریال ساتنې
واضح پیغام راکوي."
همدارنګه، د اقلیمي چارو متخصصینو د عملي تجربو او علمي څېړنو پر بنسټ وړاندېزونه
شریک کړل، او ګډونوال و هڅول شول چې د خپلو ټولنو دننه د چاپېریال ساتنې کلتور ته
پراختیا ورکړي.
په پای کې ګډونوالو د داسې برنامو پر دوام ټینګار وکړ او دا ډول علمي ناستې یې د ټولنیز
پوهاوي او عمل ته د هڅونې مهم ګام وباله.
ګډونوالړ ژمنه وکړه چې د اقلیم بدلون سره د مبارزې، د آکسیجن تولیدي منابعو د زیاتوالي
او د چاپېریالي پوهاوي د عامولو لپاره به خپلو هڅو ته دوام ورکړي.
