وروستی
د کابل ښار مرکزي ناحیو کې د ۶۶تولیدي شرکتونو او اصنافو د چاپېریالي وضعیت څارنه وشوه
۱۴۴۶کال د شوال ۱۰مه/ کابل
په فعالیتونو کې د چاپېریالي اصولو د تطبیق او چاپېریال
ساتنې په موخه د چاپېریال ساتنې ملي ادارې مفتشینو له لوري د کابل ښار په مرکزي
ناحیو او پلچرخي صنعتي پارک کې (د پایپونو جوړولو، د چرګانو دانې، بسکیټونو،
خوراکي توکو، بریښنایي وسایلو، پي وي سي پیپونو، غیر الکولي مشروباتو او ډبرو د
پروسس ۱۳تولیدي
شرکتونو او همدا راز د ۵۳مختلفو
اصنافو: روغتونونو، کلینیکونو، لبنیات پلورنځیو، هوټلونو، حمامونو، قصابیو، قنادیو
او نانوایانو) د چاپېریالي وضعیت د څرنګوالي څخه څارنه او ارزونه وکړه.
د څارنې په لړ کې د چاپېریالي چارو مفتشینو لهخوا د فابریکو،
تولیدي شرکتونو او اصنافو مسوولینو ته موجوده چاپېریالي ستونزې ور وښودل شوې او د
اصلاح په موخه ورته لازمې سپارښتنې وشوې.
د دې ادارې مفتشینو د ذکر شوو فعالیتونو مسوولینو ته د چاپېریال
قانون، مقرراتو او طرزالعملونو په هکله معلومات ورکړل او سپارښتنه یې ورته وکړه چې
خپل فعالیتونه د چاپېریالي اصولو او مقرراتو په نظر کې نیولو سره عیار او ترسره کړي.
سپارښتنه! هغه فابریکې او تولیدي شرکتونه چې د دود د تصفیې
فلټرونه یې غیر فعال، ویجاړ او یا هم د اوبو، هوا او خاورې د ککړتیا لامل وګرځي،
له قانوني چلند سره به مخ شي.