وروستی
د چاپېریال ساتنې په اړه ۷۰۰ ښوونکو او زدهکوونکو ته عامه پوهاوی ورکړل شو
کونړ
_ د ١٤٤٦کال د شوال/ ١٧مه
د کونړ چاپېریال ساتنې ریاست له لوري د سه شنبې په ورځ، د ۱۴۴۶ هـ.ق د شوال میاشتې پر ١٧مه
نېټه، د کونړ مرکز ماڼو ابتدائیه ښوونځي کې د چاپېریال ساتنې، اقلیمي بدلون، ځنګلونو
ارزښت او د ککړتیاو د مخنیوي په اړه پراخ عامه پوهاوی ترسره شو.
په یاده غونډه کې شاوخوا (۷۰۰) تنه زدهکوونکو او ښوونکو ته
د چاپېریال د خوندیتوب، اقلیمي بدلون د ناوړه اغېزو، ځنګلونو د ارزښت، د اوبو،
هوا، خاورې او غږیزې ککړتیا د مخنیوي، همدارنګه د ونو او بوټو د ساتنې او د وحشي
ژویو د خوندیتوب په اړه معلومات وړاندې شول.
د اطلاعاتو او عامه پوهاوي مدیر مطیع الله عادل، ګډونوالو
ته د یادو موضوعاتو په هکله اړینې سپارښتنې وکړې او د پوهاوي کچې د لوړولو په موخه
یې چاپي توکي، لکه شعار لرونکې کتابچې، قلمونه، نښانونه او تبلیغاتي پاڼې هم وویشلې.
د
ښوونځی مسؤلینو، ښوونکو او زدهکوونکو د چاپېریال ساتنې په برخه کې خپل مسؤلیتونه
وپېژندل او ژمنه یې وکړه چې د چاپېریال خوندیتوب ته به ځانګړې پاملرنه کوي.