وروستی
د چاپېریالي ککړتیا د را کمولو او مخنیوي قانون مسودې چمتو کولو کمېټې غونډه وکړه
۱۴۴۶کال د شوال ۱۸نېټه/ کابل
نن چهارشنبه د ۱۴۰۴کال
د وري په ۲۷مه
نېټه د چاپېریال ساتنې ملي ادارې پالیسي او مسلکي معین مُلا ډاکټر زین العابدین
عابد په مشرۍ د دې ادارې د بند امیر غونډو په تالار کې د چاپېریالي ککړتیا د
راکمولو او مخنیوي قانون د مسودې د چمتو کولو کمېټې مشورتي غونډه وکړه چې پکې د اړوندو
وزارتونو او ادارو استازو ګډون کړی وو.
غونډه د قران عظیم الشان د مبارکو آیتونو په تلاوت پیل شوه
ورپسې د دې ادارې پالیسي او مسلکي معین د ګډون والو هرکلی وکړ او د ککړتیا د
لاملونو او اضرارو په هکله یې خبرې وکړې.
ښاغلي عابد پخپلو خبرو کې وویل چې د تېرو څو لسیزو اشغال او
جګړو په پایله کې زموږ اوبه، هوا او خاوره ککړه شوې چې د دې سربېره انساني کړنې او
فعالیتونه هم د دې لامل شوي چې د هوا د ککړتیا سبب وګرځي.
نوموړي له ګډونوالو وغوښتل چې د دې قانون د لا بډاینې لپاره
دې خپل نظرونه او وړاندیزونه شریک کړي.
د دې ادارې د پالیسي او تقنین رئیس اجمل مرتضایې وویل پخوا
د هوا ککړتیا د راکمولو او مخنیوي په برخه کې څلور مقررې جوړې شوې وې چې له سلا
مشورو وروسته پر دې پریکړه وشوه، له هغو ټولو څخه دې یو قانون جوړ شي.
د غونډې په لړ کې ګډونوالو د ذکر شوي قانون په تړاو هر اړخیز
بحث وکړ او خپل نظریات یې وړاندې کړه چې په نژدې راتلونکي کې به د ښکېلو ادارو
استازو د نظرونو او وړاندیزونو په پام کې نیولو سره د وروستیو پړاوونو د طی کولو
لپاره د عدلیې وزارت ته و استول شي.