وروستی
د ۲۰۲۵ کال اوزون پوړ ویجاړونکو موادو د ونډې او ويش په اړه ناسته ترسره شوه
۱۴۴۶کال د شوال ۲۳مه/ کابل
د چاپېریال ساتنې ملي ادارې د بند امیر د غونډو په تالار کې
د ۱۴۰۳کال د غوایي په لومړۍ نېټه د (۲۰۲۵ م) کال د اوزون پوړ ویجاړونکو
موادو د ونډې ويش په تړاو مشورتي غونډه ترسره شوه.
په دې غونډه کې چاپېريال ساتنې ملي ادارې د اقليمي بدلون
رئيس، د اړوندو اماراتي ادارو استازو او متخصصینو ګډون کړی وو.
غونډه د قران عظیم الشان مبارکو آیتونو په تلاوت پیل شوه
ورپسې د دې ادارې اقليمي بدلون رئیس انجنير روح الله امین ګډونوالو ته ښه راغلاست
ووایه او د اوزون پوړ ویجاړونکو مواد، مونټريال پرتوکول او ویانا کنوانسيون په
هکله یې معلومات وړاندې کړل.
ورپسې د اقلیمي بدلون رياست د اوزون پوړ کارپوه نعمان سجاد
د اوزون پوړ اهمیت، د دې پوړ تخریبونکو موادو، نړیوالو اقداماتو او د ونډې او ویش
په اړه معلوماتي پرزنټېشن وړاندې کړ.
په پای کې د کمېټې د غړو لخوا واجد شرایط شرکتونه وپېژندل
شول او د ۲۰۲۵
م کال اوزون پوړ ویجاړونکو موادو ونډه چې ۱۳۲،۲ مټرک ټنه کېږي په ترتیب سره پرې وویشل شوه.