وروستی
ننګرهار کې د يوشمير تولیدي فابريکو چاپېریالي ارزونه وشوه
۱۴۴۶ کال د شوال ٢٥مه/ ننګرهار
د ننګرهار چاپېریال ساتنې ریاست نظارتي ټیم د شیخ مصري
صنعتي پارک کې د هنرجان پمپر او تشناب کاغذ جوړولو د تولیدي فابريکې چاپېریالي
ارزونه او څارنه ترسره کړه.
د دغې ارزونې په ترڅ کې د یاد شرکت اړوند ټول لازم معلومات
راټول شول او مسؤلینو ته د چاپېریالي ککړتیاوو د مخنیوي، راکمولو، او شنې ساحې د
پراختیا په موخه لازمې سپارښتنې وشوې.
همداراز د یادې فابریکې مسؤلینو ته لارښوونه وشوه چې د فعالیت
پر مهال چاپېریالي شرایط، اصول او مقررات په دقیق ډول رعایت او پلي کړي.
د فابریکې مسؤولینو د چاپېریال ساتنې ریاست مسؤلینو ته د هر
ډول همکاریو ډاډ ورکړ او ژمنه یې وکړه چې په خپلو فعاليتونو به چاپېریالي اصول او
مقرراتو پلي کوي.
