وروستی
د هلمند باباجي ولسوالۍ کې دوه تنه ښکاریان ونيول شول
۱۴۴۶کال د شوال ۳۰مه/ هلمند
د ښکار د مخنیوي کمپاین پر دوام د هلمند ولایت د چاپېریال
ساتنې ریاست مسوولینو د څلورم امنیتي کنډک مجاهدینو په همکارۍ د باباجي ولسوالۍ کې
دوه تنه ښکاریان چي یوه سپینه کوتڼه یې ښکار کړې وه، ونیول.
نیول شوي ښکاریان د نور پوښتنو ګروېږنو په پار عدلي او قضایې
ارګانونو ته وسپارل شول او نیول شوې کوتڼه د هلمند ولایت د چاپيريال ساتنې رئيس
الحاج محمدعیسی اغا له خوا د لښکرګاه ښار اړوند حاجي عبدالسلام ژوبڼ ته وسپارل
شوه، په ټپونو یې درمل ووهل شول چې فعلا يې
روغتيايي حالت ښه دی.
د یادونې وړ ده چې د ا.ا.ا ریاست الوزرا عالي مقام د حکم په
اساس ټول افغانستان کې د وحشي ژوو، مرغانو او کبانو ښکار بند دی؛ که هر څوک د ښکار
په تور ونیول شول، عدلي او قضایي ارګانونو ته به وسپارل شي.