وروستی
د امر بالمعروف او نهی عن المنکر قانون د تطبیق په هکله اصلاحي وینا وړاندې شوه
۱۴۴۶کال د ذالقعدې ۱۰نېټه/ کابل
د چاپېریال ساتنې ملي ادارې د دعوت او ارشاد ریاست لخوا د
اصلاحي ویناوو په لړۍ کې نن پنج شنبه د ۱۴۰۴کال د ثور په ۱۸مه نېټه د دې ادارې ټولو
مسوولینو او کارکوونکو ته د د امر بالمعروف او نهی عن المنکر قانون د تطبیق په
هکله د دې ادارې عمومي رئیس مولوي مطیع الحق خالص لخوا هر اړخیزه اصلاحي وینا وړاندې
شوه.
غونډه د قران کریم مبارکو ایتونو په تلاوت پیل شوه ورپسې د دې ادارې عمومي رئیس د
دعوت، غزواتو او جهاد، د اسلامي جوړونې، امر بالمعروف او نهی عن المنکر د پلي کېدو
په هکله ګډونوالو ته تفصیلي وینا وکړه او زیاته یې کړه: الحمدلله، الله تعالی موږ
ته اسلامي نظام راکړی او اوس موږ پر دې مکلف یو چې د خدای تعالی پر ځمکه د الله
تعالی احکام تطبیق کړو، خلک نیکیو ته را وبلل شي، له منکراتو منع کړای شي، څوک چې
سرکشي کوي هغوی ته جزا ورکړل شي او اسلامي حدود پرې تطبیق شي.
ده وویل: دا زموږ مسوولیت دی چې خپل صورت او سیرت د شریعت غرای محمدی احکامو مطابق
برابر کړو.
ښاغلي خالص وویل: زموږ اعمال باید د الله تعالی لپاره وي نه د خلکو لپاره، اسلامي
احکام باید موږ پخپله باید په خپلو ځانونو تطبیق کړو.
د چاپېریال ساتنې ملي ادارې عمومي رئیس ټینګار وکړ چې زموږ هر څه باید په زور نه
وي او نه د زور لپاره زمینه مساعده شي. ده وویل: د اسلامي امارت په راتګ سره په ټول
هېواد کې سرتاسري امنیت ټینک شوی او دا زموږ لپاره یو ستر فرصت دی چې خپل ټول ژوند
د الهي احکامو مطابق عیار کړو؛ ځکه د انسان د خلقت هدف د الله تعالی بندهګي ده او
موږ باید په سمه توګه د الله تعالی بندهګي وکړو؛ ترڅو د قیامت ورځې له سختیو، د
قبر له عذاب او د آخرت ورځې له شر څخه په امان یو.
غونډه د دې ادارې د ملا امام لخوا د دعایي
په لوستلو سره پای ته ورسېده.