وروستی
په کابل کې د عمومي حشر په ترڅ کې د چاپېریال ساتنې په تړاو د عامه پوهاوي غونډه ترسره شوه
۱۴۴۶کال د ذوالقعدې ۲۱مه نېټه/ کابل
په ټولنه کې د چاپېریال ساتنې فرهنګ ترویج، د پاکوالي عمومي
حشرونو ته د هېوادوالو د هڅونې په پار د چاپېریال ساتنې ملي ادارې او کابل ښاروالۍ
۱۳مې ناحیې له لوري د یادې سیمې
علماوو، مخورو، د ګذر وکیلانو او ځوانانو شوراګانو په همکارۍ او یو شمېر تولیدي
شرکتونو په ملاتړ نن دوشنبه د روان ۱۴۰۴کال
د ثور په ۲۹مه
نېټه د دشت برچي اړوند امنیت تپه کې د عمومي حشر په لړ کې د چاپېریال ساتنې په تړاو
د عامه پوهاوي غونډه ترسره شوه.
غونډه د قران عظیم الشان مبارکو ایتونو په تلاوت پیل شوه
ورپسې د دې ادارې د نظارت او تفتیش سرپرست رئیس انجنیر طوفان جبران، د نظارتي چارو
کارپوه عبدالامیر مبارز، د کابل ښاروالۍ ۱۳ناحیې رئیس مولوي عبدالصمد عابد؛ وکیلانو،
مشرانو او علماوو شوراګانو رئیسانو د چاپېریال ساتنې په هکله هر اړخیزې خبرې وکړې
او له خلکو یې غوښتنه وکړه چې د ښار په پاکوالي او چاپېریال ساتنه کې له حکومت سره
په ګډه کار وکړي.
ویناوالو د داسې غونډو جوړول ګټور وبلل او له مسوولینو یې
غوښتنه وکړه چې د چاپېریالي مسایلو په تړاو د خلکو د عامه پوهاوي غونډې جوړې کړي؛
ترڅو هېوادوال چاپېریال ساتنې ته متوجه او د ښار په پاکوالي کې ونډه واخلي.
د یادونې وړ ده چې د غونډې په پای کې د کابل ښاروالۍ ۱۳مې ناحیې ریاست اړوند تنظیفي ټیمونو
له لوري د یادې سیمې د اوسیدونکو په همکارۍ د دشت برچي په مختلفو ځایونو کې د
پاکوالي عمومي حشر ترسره شو.