وروستی
د طبي پاتې شونو د تنظیم او درملو تولیدي شرکتونو د چاپېریالي وضعیت ارزونه وشوه
۱۴۴۶کال د ذوالقعدې ۲۴مه/ کابل
د چاپېریال ساتنې ملي ادارې مسلکي او پالیسي معین ډاکټر ملا
زین العابدین عابد په مشرۍ نظارتي ټیم د طبي زبالو د تنظیم او درملو تولیدي
شرکتونو د چاپېریالي وضعیت د ارزونې په موخه د کابل څرخيپله صنعتي پارکونو کې د ګلبدین
حکیمي او کامیاب په نوم د طبي زبالو د تنظیم خدماتي شرکتونو؛ د صلاح کاکړ په نوم د
درملو تولیدي شرکت او همداراز د نجیب الله بشارت لوجستیکي شرکت د چاپېریالي وضعیت
هر اړخیزه څارنه او ارزونه وکړه.
د دې ادارې مسلکي او پالیسي معین ډاکټر ملا زین العابدین
عابد د نظارت په لړ کې د یادو شرکتو مسوولینو ته د فعالیتونو د معیاري کولو، اوبو،
هوا او خاورې ککړتیا د مخنیوي او همدا راز د چاپېریالي اصولو د تطبیق په تړاو لازمې
سپارښتنې وکړې.
ښاغلي عابد ټینګار وکړ چې د طبي پاتې شونو د راټولولو او لېږد
پر مهال باید له پوره احتیاط کار واخیستل شي او د هېوادوالو چاپېریالي روغتیا ساتنې
باید جدي پاملرنه وشي. نوموړي وویل: طبي پاتې شونې باید په ټاکل شوو ځایونو کې د
چاپېریالي اصولو مطابق له منځه یووړل شي.
د
نظارت په ترڅ کې د چاپېریالي چارو مفتشینو له لوري د صلاح کاکړ درملو تولیدي شرکت
او نجیب الله بشارت لوجستیکي شرکت مسوولینو ته هم د چاپېریال قانون او چاپېریالي
اصولو په هکله عامه پوهاوی ورکړل شو؛ موجوده چاپېریالي ستونزې او نیمګړتیاوې ور وښودل
شوې او د اصلاح په خاطر ورته لازمې سپارښتنې وشوې.
د چاپېریال قانون د احکامو مطابق هر هغه څوک چې د اوبو، هوا
او خاورې ککړتیا لامل شي د قانون منګولو ته به وسپارل شي.