وروستی
د چاپېریال ساتنې ملي ادارې عمومي رئیس: ملي او نړیوال موسسات دې د پروژو په تطبیق کې د هېواد لومړیتوبونه په پام کې ونیسي
١٤٤٦کال د ذوالحجې ٢٥مه/ کابل
د چاپېریال ساتنې ملي ادارې عمومي رئیس مولوي مطیعالحق
خالص د نادولتي مؤسسو له استازو سره د همغږۍ او همکاریو د پیاوړتیا په موخه، د
اکبر مؤسسې په کوربتوب مشورتي غونډه ترسره کړه. په دې ناسته کې د یادې ادارې تخنیکي
ټیم هم حضور درلود.
د غونډې هدف د چاپېریالي همکاریو پراخول، له مؤسسو سره د اړوندو
اسنادو شریکول او د اقلیمي بدلون پر وړاندې د سازګارې مبارزې لپاره د ملي لومړیتوبونو
په چوکاټ کې د نړیوالو مالي میکانیزمونو له لارې د اغېزمنو پروژو وړاندې کول وو.
غونډه د قرآن کریم د مبارکو آیتونو په تلاوت سره پیل شوه،
ورپسې د چاپېریال ساتنې ملي ادارې عمومي رئيس مولوي مطیعالحق خالص د چاپېریال
ساتنې، د طبیعي شتمنیو د خوندیتوب او د ګډ مسؤلیت په اړه خبرې وکړې.
نوموړي وویل:"چاپېریال د انسان پر ژوند ژور اغېز لري
او افغانستان ته الله تعالی داسې طبیعي جوړښت ورکړی چې په نړۍ کې کمساری دی. زموږ
دیني او ملي مسؤلیت دی چې د چاپېریال په بیارغونه کې ګډ اقدام وکړو."
ښاغلي خالص ټینګار وکړ موسسې باید له ډونرانو سره د هر ډول
پروژې وړاندې کولو څخه مخکې د اړونده دولتي ادارو نظریات او غوښتنې ترلاسه کړي.
هغه زیاته کړه "پروژې باید د ملي ګټو پر بنسټ، بنسټیزې
او د هېواد د چاپېریالي اړتیاوو سره سمې وي، نه دا چې یوازې سطحي او لنډمهاله
اقدامات وشي."
په غونډه کې د اقلیمي بدلون او طبیعي میراثونو د ساتنې رئیسانو
له لوري د ملي مشارکت سند (NDC) او
نورو چاپېریالي اسندونو په اړه هر اړخیز معلوماتي پرزنتیشن وړاندې شو او د ګډونوالو
پوښتنو ته ځوابونه ورکړل شول.
د یادونې وړده چې د
چاپېریال ساتنې ملي اداره به د اکبر مؤسسې په همکارۍ دا ډول مشورتي ناستې دوامداره
وساتي، څو د چاپېریالي همکاریو بهیر نور هم پیاوړی شي.