وروستی
د اقلیمي بدلون (COP-30) کنفرانس لپاره د افغانستان د چمتووالي په موخه لومړنۍ مشورتي غونډه ترسره شوه
١٤٤٦کال د ذی الحجې ٢٩مه/ کابل
د چاپېریال ساتنې ملي ادارې له لوري او د (ORD) مؤسسې په همکارۍ، د اقلیمي
بدلون (COP-30) نړیوال
کنفرانس لپاره د افغانستان د چمتووالي په موخه لومړنۍ مشورتي غونډه د دې ادارې د
عمومي رئیس مولوي مطیعالحق خالص په مشرۍ جوړه شوه.
په یاده غونډه کې د اړوندو امارتي وزارتونو، ادارو، ملي او
نړیوالو مؤسسو، یوناما، UNDP, FAO، WFP,نړیوال
بانک استازو، پوهنتونونو استادانو او متخصصینو ګډون کړی و.
غونډه د قرآن کریم مبارکو آیتونو په تلاوت پیل شوه، ورپسې د
ادارې عمومي رئیس مولوي مطیعالحق خالص ګډونوالو ته ښه راغلاست ووایه او د اقلیمي
بدلون له امله یې د افغانستان د زیانمنتیا په تړاو هر اړخیزي خبري وکړې.
ښاغلي خالص وویل: "افغانستان د هغو هېوادونو له ډلې څخه
دی چې د اقلیمي بدلون له ناوړه پایلو څخه زیات زیانمن شوی. د وچکالۍ دوام، د ورښتونو
کموالی، بې وخته سیلابونه، د ځمکې لاندې اوبو کمېدل، د ځنګلونو له منځه تلل او د کډوالۍ
زیاتوالی یې له مهمو ننګونو څخه دي."
نوموړي زیاته کړه دا ستونزې د نړیوال اقلیم له بدلون سره تړاو
لري او افغانستان باید د نړیوالو کنفرانسونو له لارې خپل غږ پورته کړي او د خپلو
حقونو غوښتنه وکړي.
ښاغلي خالص زیاته کړه د
(COP-30) کنفرانس لپاره یوه ګډه ملي کاري کمېټه جوړه شوې
چې په کې د اړوندو ادارو، نړیوالو او ملي مؤسسو، پوهنتونونو او متخصصینو استازي
شامل دي. موخه یې دا ده چې د ګډون لپاره یوه ملي او غني کړنلاره جوړه شي.
د غونډې په لړ کې د چاپېریال ساتنې ملي ادارې د اقلیمي
بدلون رئیس روحالله امین د (COP) کنفرانسونو
د تاریخ، موخو، جوړښت، غړو هېوادونو او نورو اړوندو موضوعاتو په اړه تفصیلي پرزنټېشن
وړاندې کړ.
همداراز د (ORD) مؤسسې
سلاکار ښاغلي وحدت لخوا د افغان پلاوي لپاره د تیار شوي کړنلارې پر بنسټ معلومات وړاندې
شول. نوموړي له ګډونوالو وغوښتل چې د افغانستان د اقلیمي لومړیتوبونو د روښانه
کولو لپاره خپل وړاندیزونه شریک کړي.
په
وروستیو کې ګډونوالو خپلې نظریې او وړاندیزونه وړاندې کړل.
د غونډې جمع بندې د ادارې عمومي رئیس وکړه؛ ښاغلي خالص یو ځل
بیا ټینګار وکړ چې دا یوه ملي موضوع ده او هر افغان باید په دې برخه کې خپل مسؤولیت ادا کړي.