وروستی
ننګرهار او پکتیکا کې د کرشپلانټ، جغل او ډبرو د استخراج معدنونو له فعالیتونو نظارت وشو
۱۴۴۷ کال د محرم ۶مه / ننګرهار-پکتیکا
د ننگرهار او پکتیکا ولایتونو د چاپېریال ساتنې ریاستونو
مفتشینو له لوري د سره رود ولسوالۍ اړوند شمشپور او شیخ مصري سیمو کې د ارين فلاح
د جغل معدن استخراجي او د اسکای حوريزان د پارچه تېږو د معدن استخراجي شرکتونو او
همداراز د پکتیا اورګون ولسوالۍ کې دیوه کرشپلانټ د فعالیتونو د څرنګوالي څخه
نظارت ترسره شو.
د څارنې پر مهال د یادو شرکتونو فعالیتونه وکتل شول، نیمګړتیاوې
یې تشخیص شوې، او اړوندو مسئولینو ته لازمې سپارښتنې وشوې، ترڅو خپلې کړنې د چاپېریال
له قانون، اصولو او شرایطو سره سمې تطبيق کړي.
د شرکتونو مسئولینو ژمنه وکړه چې د چاپېریال ساتنې اصول به
رعایت کوي او د اړوندو مقرراتو پر بنسټ به خپلو فعالیتونو ته دوام ورکړي. هغوی د
چاپېریال ساتنې ریاستونو سره هر اړخیزې همکارۍ ته چمتووالی وښوده.
د هر ډول فعالیتونو مسوولین باید په هېواد کې د دوامداره
پرمختګ، د اوسنیو او راتلونکو نسلونو د هوساینې او ژوند د خوندیتوب په موخه خپل
فعالیتونه له ملي او نړیوالو نورمونو او ستندردونو مطابق تنظيم کړي او چاپېریال
ساتنې ته جدي پاملرنه وکړي.