وروستی
په کندهار او بامیان کې؛ چاپېریالي څارنه او ارزونه ترسره شوه
١٤٤٧کال د محرم الحرام ٢٧مه/ کندهار او بامیان
د کندهار او بامیان ولایتونو د چاپېریال ساتنې ریاستونو د
خپلو کاري پلانونو له مخې چاپېریالي ارزونې او نظارتونه ترسره کړل.
په کندهار ښار کې د طبیعي میراثونو د ساتنې عمومي مدیریت
کارکوونکو د احمد شاهي جادې او چهل زینو پارک څخه چاپېریالي نظارت وکړ. د سړک جوړونې
مسؤل انجنیرانو ته لازمې سپارښتنې وشوې او د اصلاح ژمنې واخیستل شوې. همداراز، د
پارک پخوانۍ ستونزې هوارې شوې وې او د سمې آبیارۍ او نظافت له امله د پارک مسؤلین
وستایل شول.
په ورته وخت کې، د بامیان چاپېریال ساتنې ریاست تخنیکي ټیم
د یکهولنګ ولسوالۍ په دروازه بیدک سیمه کې د سرب او جست د معدن د اکتشاف پروژې د
چاپېریالي او ټولنیزو اغېزو ارزونه وکړه. د پروژې مالک ته سپارښتنه وشوه چې د معدنکارۍ
پر مهال د چاپېریالي قوانینو او مقرراتو رعایت وکړي. شرکت ژمنه وکړه چې خپل فعالیتونه
به د محیط زیست او کانونو له اصولو سره سم عیاروي.