وروستی
فعالیتونو کې د چاپېریالي اصولو د تطبیق په موخه په یو شمېر ولایتونو کې نظارت ترسره شو
۱۴۴۷ کال د صفر ۴مه/ هلمند-غزني-کندز-کونړ
د چاپېریالي چارو مفتشین په مرکز او ولایتونو کې د هواککړوونکو
سرچینو څخه د دوامداره نظارتي لړیو په ترڅ کې تېره ورځ په هلمند، غزني، کندز او
کونړ ولایتونو کې د یو شمېر فعالیتونو د څرنګوالي او چاپېریالي وضعیت څارنه او
ارزونه ترسره کړه.
د هلمندولایت د چاپېريال ساتنې ریاست مسوولینو له لوري لښکرګاه
ته څېرمه بولان او سردارګل محمدخان صنعتي پارک کې د اوړو میلانو د فعالیتونو څارنه
وکړه.
غزني کې د ۱۲نانوایانو
د فعالیتونو ارزونه وشوه چې ۸هغو
ته د چاپېریالي جوازونو د اخیستلو لپاره ورستي مهلت ورکړل شو؛ همدا راز د شپږمې
ناحيې اړوند دکشک، مغلان او خواجه حکيم صاحب د کليو د اوسيدونکو دهغو شکايتونو کوم
چې د نوآباد سيمې د زبالو او سيلابونو له امله د دوی د کرنیزو ځمکو او محصولاتو د
زیان لامل شوي وو چاپيريالي څارنه او پلټنه ترسره شوه.
د کندز ولایت د چاپېریال ساتنې ریاست مفتشینو له لوري د ښار
په بېلابیلو سیمو کې د ۲۱مختلفو
اصنافو د فعالیتونو د چاپېریالي وضعیت څارنه او ارزونه ترسره شوه.
د کونړو ولایت د چاپېریال ساتنې رئیس ډاکټر محمد الرحمن
صابر په مشرۍ نظارتي ټیم له لوري په اسعدآباد کې د ۲۴مختلفو اصنافو فعالیتونه وکتل
شول او لازمې سپارښتنې ورته وشوې.
چاپېریال ساتنه د ټولو هېوادوالو فردي مسوولیت دی، هر هغه څوک
چې د چاپېریال د ککړتیا لامل شي د قانون منګولو ته به وسپارل شي.