وروستی
د چاپېریالي چارو مفتشینو له لوري ولایتونو کې د یو شمېر فعالیتونو نظارت وشو
۱۴۴۷ کال د صفر ۶مه/میدان وردګ-ننګرهار-غزني-زابل-دایکنډي
د چاپېریالي اصولو د تطبیق په موخه د میدان وردګو، ننګرهار،
غزني، زابل او دایکنډي ولایتونو د چاپېریال ساتنې ریاستونو مسوولینو له لوري لاندې
فعالیتونه ترسوه شوي دي.
د میدان وردګو ولایت د چاپېریال ساتنې ریاست مفتشینو له
لوري د سیداباد ولسوالۍ کې د یو شمېر کرش پلانټونو او ریګریشنونو د چاپېریالي وضعیت
څارنه او ارزونه ترسره شوه او مسوولینو ته یې د چاپېریالي مقرراتو د تطبیق سپارښتنې
وشوې.
د ننګرهار ولایت د چاپېریال ساتنې ریاست مفتشینو له لوري د
جلال اباد ښار مختلفو سیمو کې د ښکار د مخینوي کمپاین په لړ کې له یوه تن څخه یو میل
ښکاري ټوپک ترلاسه او ضبط شو. له نوموړي ښکاري څخه لیکلې ژمنه واخیستل شوه چې که بیاځلي
د ښکار په تور ونیول شو، عدلي ارګانونو ته به وسپارل شي.
د غزني او زابل ولایتونو د چاپېریال ساتنې ریاستونو مسوولینو
لخوا د مختلفو اصنافو له فعالیتونو څارنه ترسره شوه، یو شمېر قصابانو ته چاپېریالي
جوازونه ورکړل شول او د چاپېریال ساتنې په هکله ورته لازمې سپارښتنې وشوې.
همداراز د دایکنډي ولایت د چاپېریال ساتنې ریاست مفتشینو
لخوا نیلي بازار کې د ۱۹مختلفو
اصنافو د فعالیتونو د څرنګوالي او چاپېریالي وضعیت څارنه ترسره شوه او د اصلاح په
موخه ورته لازمې سپارښتنې وشوې.