وروستی
د چاپېریال ساتنې ملي ادارې مرستیال او ورسره پلاوي د هرات ولایت د پاشدان بند څخه د نژدې لیدنه وکړه
١٤٤٧کال د صفرالمظفر ١٢مه/ هرات
د چاپېریال ساتنې ملي ادارې د پالیسۍ او مسلکي مرستیال ډاکټر
ملا زینالعابدین عابد د خپل رسمي سفر په ترڅ کې د هرات ولایت د پاشدان بند څخه د
نژدې لیدنه وکړه.
په دې لیدنه کې ښاغلي عابد د بند د چاپېریالي وضعیت ارزونه
وکړه او د اوبو مدیریت، د بند د شاوخوا سیمو د زرغونتیا او د طبیعي منابعو د خوندي
ساتلو په اړه یې لازمې سپارښتنې وکړې.
د چاپېریال ساتنې ملي ادارې مرستیال ټینګار وکړ چې پاشدان
بند نه یوازې د هرات خلکو ته د اوبو رسونې مهمه سرچینه ده، بلکې د سیمې د ایکوسیستم
د ساتنې لپاره هم حیاتي ارزښت لري.
په دې لیدنه کې د چاپېریال ساتنې ملي ادارې د پالیسۍ او
مسلکي مرستیال د بند د وضعیت د لا ښهوالي په موخه چاپېریال ساتنې ریاست ته د
لازمو اقداماتو د ترسره کېدو سپارښتنې وکړې.