وروستی
د چاپېریال ساتنې ملي ادارې عمومي رئیس ننګرهار ولایت ته د سفر پر مهال له مرستیال والي سره وکتل
١٤٤٧کال د صفرالمظفر ٢٣مه ننګرهار
د چاپېریال ساتنې ملي ادارې عمومي رئیس مولوي مطیعالحق خالص د یو رسمي سفر په ترڅ
کې ننګرهار ولایت ته ولاړ او هلته یې د یاد ولایت له مرستیال والي مولوي عزیزالله
مصطفی سره د کتنې پر مهال د چاپېریال ساتنې اړوند مهمو موضوعاتو په اړه بحث وکړ.
په دې کتنه کې دواړو لورو د چاپېریال د ساتنې لپاره د مؤثرو ګامونو، د هوا او اوبو
د ککړتیا د مخنیوي، د صنعتي فابریکو د څارنې او د ښارونو د پاکوالي په برخه کې پر ګډو
همکاريو ټینګار وکړ.
مولوي مطیعالحق خالص وویل چې د چاپېریال ساتنې ملي اداره په ټوله کچه د هېواد د
طبیعي شتمنیو د خوندیتوب، د خلکو د عامه پوهاوي د لوړولو او د زرغون افغانستان د
رامنځته کولو لپاره ځانګړي پروګرامونه پرمخ وړي. نوموړي د ننګرهار ولایت له محلي
ادارې وغوښتل چې د چاپېریالي پروګرامونو په تطبیق کې لازمه همکاري وکړي.
د ننګرهار مرستیال والي د چاپېریال ساتنې ملي ادارې د هڅو قدرداني وکړه او ډاډ یې
ورکړ چې د ولایت مقام به د چاپېریالي پروژو او پروګرامونو په پلي کولو کې اړونده
ادارو ته بشپړ ملاتړ او لازمې اسانتیاوې برابرې کړي.
یاده ناسته د راتلونکي لپاره د ګډو همغږیو او عملي اقداماتو د ژمنو په څرګندولو
سره پای ته ورسېده.