وروستی
د چاپېریال ساتنې ملي ادارې عمومي رئیس د روسیې په ولادیووستوک کې د نایاب مارغانو د ساتنې او ګډو همکاریو په تړاو له اړونده مسؤلینو سره خبرې وکړې
١٤٤٧کال د ربیع الاول ١٠مه/ ولادیووستوک _ روسیه
د افغانستان د چاپېریال ساتنې ملي ادارې عمومي رئیس مولوي مطیعالحق
خالص د راسکانګرېس اقتصادي فورم په څنډه کې د «شاهین کور» څخه لیدنه وکړه او هم یې
د متحده عربي اماراتو د بهرنیو چارو وزارت له استازي سره ځانګړې ناسته ترسره کړه.
د «شاهین کور» څخه د لیدنې پر مهال مسوولینو د نایاب
مارغانو د ساتنې، د استوګنځایونو وضعیت او د خوړو د منابعو په اړه مفصل معلومات
وړاندې کړل. همدارنګه د روسیې فدراسیون د سره لست حیواناتو اړوند راپور هم ورسره
شریک شو.
ښاغلي خالص د دې معلوماتو له وړاندې کولو مننه وکړه او د
علمي او تخنیکي همکاریو پر پراختیا یې ټینګار وکړ.
په ورته وخت کې نوموړي د متحده عربي اماراتو د بهرنیو چارو
وزارت له استازي ښاغلي حمید الکتبي سره هم وکتل. د دې لیدنې پر مهال د افغانستان د
چاپېریالي وضعیت او د وحشي ژوو او مارغانو د ساتنې په اړه هر اړخیز معلومات وړاندې
شول.
ښاغلي الکتبي د دوه اړخیزو همکاریو ترڅنګ په افغانستان کې د
چاپېریالي پروژو او د میشمارغانو د نسل د زیاتوالي فارمونو پر جوړولو د پانګونې
علاقه څرګنده کړه او د ګډو همکاریو ډاډ یې ورکړ.