وروستی
د ښکار د مخنیوي کمپاین پر دوام ۳ولایتونو کې یو شمېر الوتونکي ازاد شول
۱۴۴۷ کال د ربیع الاول ۲۴/ لغمان-پکتیا-ارزګان
د لغمان، پکتیا او ارزګان ولایتونو د چاپېریال ساتنې ریاستونو
مسوولینو له د ښکار د مخنیوي کمپاین په ترڅ کې یو شمېر الوتونکي د ښکاریانو له منګولو
خلاص او ازاد شول.
د لغمان د چاپیریال ساتنې ریاست مسوولینو لخوا د عمرزیو په سیمه
کې یو وزر کمیابه مرغه چې د بازانو له ډلې څخه و، د ښکاریانو له منګولو خلاص او د
اړوندو ادارو او رسنیو استازو په حضور کې بیرته ازادې فضاء ته خوشې شو.
د پکتيا ولايت د چاپېريال ساتنې رياست مسوولینو له لوري (۱۰۵) وزره بومي مړزان چې څه موده وړاندې
مرکز ګردېز کې د ښکاريانو له منګولو خلاص
او ضبط شوي وو، بېرته ازده فضا کې خوشې شول.
همداراز د ارزګان ولایت د چاپېریال ساتنې ریاست مفتشینو له
لوري ترینکوټ ښار په ګنچ بازار کې یو ډول باز مارغه له نیول کیدو وروسته ازاده فضا
کې خوشې شو.
د ا.ا.ا ریاست الوزراء عالي مقام د حکم په اساس ټول هېواد کې
د وحشي ژوو، مرغانو او کبانو ښکار بند دی؛ هر چا چې له دې امر څخه سرغړونه وکړه،
قانوني چلند به ورسره وشي.