وروستی
ولایــــــتونو کې ســــلګونو زدهکوونکو ته عامـــــــــه پوهاوی ورکړل شـــــــو
۱۴۴۷ کال د ربیع الاول
۳۰/خوست-کونړ-فراه
د خوست، کونړ او فراه ولایتونو د چاپېریال ساتنې ریاستونو د عامه پوهاوي ټیمونو له
لوري په زدهکوونکو کې د چاپېریال ساتنې فرهنګ ترویج په موخه سلګونو زدهکوونکو ته
د مختلفو چاپېریالي موضوعاتو په هکله عامه پوهاوی ورکړل شو.
د خوست ولایت د چاپېریال ساتنې ریاست مسوولینو لهخوا د افغان سيدجمال الدین او
خوست خصوصي لېسو؛ اسعد اباد کې د عامه پوهاوي ټیم لهلوري د عمراخان عالي لېسې او
فراه کې د عروج فراه خصوصي لېسې سلګونو زدهکوونکو او ښوونکو ته د چاپېریال د خوندیتوب،
اقلیمي بدلون د ناوړه اغېزو، ځنګلونو د ارزښت، د اوبو، هوا، خاورې او غږیزې ککړتیا
د مخنیوي، همدارنګه د ونو او بوټو د ساتنې او د وحشي ژویو د خوندیتوب په اړه عامه
پوهاوی ورکړل شو.
د عامه پوهاوي په لړ کې زده کوونکي وهڅول شول، چې په خپلو کورنیو، ټولنو او ښوونځیو
کې خلک چاپېریال ساتنې ته وهڅوي او د یوه سالم، پاک او ښېرازه چاپېریال د رامنځته
کولو لپاره فعاله ونډه واخلي.