وروستی
د چاپېریال ساتنې ملي ادارې او باختر پوهنتون ترمنځ د ګډو همکاریو هوکړهلیک لاسلیک شو
۱۴۴۷ کال د ربیعالثاني ۱۲مه/کابل
د چاپېریال ساتنې ملي ادارې او باختر پوهنتون ترمنځ د متقابلې
همکارۍ هوکړهلیک د دواړو لورو د استازو ترمنځ د یوې رسمي غونډې په ترڅ کې لاسلیک
شو، چې پکې د چاپېریال ساتنې ملي ادارې عمومي رئیس مولوي مطیعالحق خالص او د
باختر پوهنتون رهبرۍ ګډون درلود.
په دې مناسبت د چاپېریال ساتنې ملي ادارې عمومي رئیس وویل د
دغه هوکړهلیک موخه د مسلکي کادرونو روزنه، د چاپېریال ساتنې په برخه کې د عامه
پوهاوي لوړول او د دواړو ادارو ترمنځ د علمي، څېړنیزو او پوهاوي پروګرامونو پیاوړتیا
ده.
د هوکړهلیک له مخې دواړه لوري به د چاپېریال ساتنې اړوند
علمي او څېړنیز پروګرامونه پلي کوي، علمي سیمینارونه، ورکشاپونه او پوهاوي کمپاینونه
به تنظیموي.
همدارنګه د مطبوعاتي او څېړنیزو موادو تولید او خپرونه د اقلیمي
بدلون او چاپېریال ساتنې په اړه د محصلینو او استادانو لهخوا د چاپېریالي پوهاوي
کمپاینونه او علمي سیالۍ، په علمي ناستو او غونډو کې د چاپېریالي متخصصینو ګډون او
د کارکوونکو لپاره د مهارتونو د لوړولو فرصتونه برابرول د دواړو ادارو له مهمو
مسؤلیتونو څخه دي.
دغه هوکړهلیک د دواړو لورو ترمنځ د نږدې همکارۍ او دوامدارو
علمي اړیکو د پیاوړتیا لپاره یو ارزښتناک ګام بلل کېږي، چې له مخې به د هېواد د
چاپېریالي کادرونو د روزنې او د چاپېریال ساتنې د فرهنګ د عامولو لپاره اغېزمن
اقدامات ترسره شي.