وروستی
ننګرهار او کونړ کې سلګونو زدهکوونکو ته عامه پوهاوی ورکړل شو
۱۴۴۷ کال
د ربیع الثاني ۱۹مه/
ننګرهار-کونړ
چاپېریال ساتنې ته د زده کوونکو د هڅونې په پار د ننګرهار او
کونړ ولایتونو د چاپېریال ساتنې ریاستونو د عامه پوهاوي ټیمونو له لوري سلګونو زدهکوونکو
ته د چاپېریال ساتنې په هکله عامه پوهاوی ورکړل شو.
د جلال اباد ښار لومړۍ
ناحیې اړوند د حضرت حمزه رض دارالحفاظ لسګونو طالب العلمانو؛ اسعد اباد کې د نور
القران دیني مدرسې او عثمانیه خصوصي ښوونځي سلګونو زده کوونکو ته د چاپېریال ساتنې،
اوبو، هوا او خاورې ککړتیا د مخنیوي؛ د ځنګلونو
او بوټو د ارزښت؛ د ځنګلونو قطع کولو او اقلیمي بدلون د زیانونو په هکله عامه
پوهاوی ورکړل شو.
د یادو مدرسو او ښوونځي طالب
العلمان، زدهکوونکي او ښوونکي خپلو مسؤولیتونو او مکلفیتونو ته متوجه کړای
شول او ژمنه يې وکړه چې خپلو چاپېریالي مسوليتونو ته به جدي پاملرنه
کوي.
چاپېریال ساتنه زموږ ټولو دیني
او ملي مسوولیت دی؛ راځئ چې خپله ټولنه کې د چاپېریال ساتنې فرهنګ ترویج کړو!