وروستی
بدخشان او کونړ کې ۱۵وحشي مرغان د ښکاریانو له منګولو خلاص او ازاد شول
۱۴۴۷ کال
د ربیع الثاني ۲۷مه/
کونړ
د بدخشان او کونړ ولایتونو د چاپېریال ساتنې ریاست نظارتي
ټیمونو له لوري د ښکار د مخنیوي په موخه فیض اباد کې د مرغانو د پېر او پلور هټیو
کې ۱۳وحشي
مړزان او د کونړ مرکز اسعداباد اړوند چغان غونډۍ کې دوه کب خوړونکي ګډوال مرغان د
ښکاریانو له منګولو خلاص شول.
په بدخشان کې نیول شوي وحشي مړزان په ازاده فضا کې خوشې شول،
ښکاریان مربوطه ارګانونو ته وسپارل شول او د مرغانو د پېر او پلور هټۍوالو ته
سپارښتنې وشوې چې د کمیابه او نادرو مرغانو له پېر او پلور څخه ډډه وکړي.
د اسعد اباد ښار اړوند چغان غونډې کې د ځینو اشخاصو لخوا د
شپې پر مهال ګډوال مرغان ښکار کېدل چې د چاپېریال ساتنې ریاست مسوولینو له لوري د
معلوماتو ترلاسه کولو وروسته ښکاریان او مرغان ونیول شول.
له ښکاریانو لیکلې ژمنې واخیستل شوې چې د بیاځلي ښکار په
صورت کې به عدلي ارګانونو ته معرفي کیږي او نیول شوي مرغان د استخباراتو او راډيو
تلويزيون رياستونو د استازو په حضور کې د کونړ عمومي سيند ترڅنګ ازادې فضا
ته خوشې کړای شول.