وروستی
ننګرهار کې د نفرایټ ډبرو د استخراج معدن د فعالیتونو څارنه او ارزونه وشوه
۱۴۴۷ کال د رجب المرجب ۶نېټه/ننګرهار
د ننګرهار ولایت د چاپېریال ساتنې ریاست مسوولینو له لوري د
معدنونو د استخراج فعالیتونو کې د چاپېریالي اصولو د تطبیق په پار د کامې ولسوالۍ ګرداب
په ساحه کې د «د ګرداب » په نوم د نفرایټ ډبرو د استخراج او پروسس شرکت د فعالیت
له ساحو څخه لیدنه ترسره شوه.
یادې پروژې ته له وړاندې د چاپېریال ساتنې ملي ادارې له لوري
د فعالیت جواز ورکړل شوی، او دا لیدنه د چاپېریالیزو شرایطو د پلي کېدو د ارزونې
په موخه ترسره شوه.
د تفتیش پر مهال ولیدل شو چی چاپېريالي شرایط په زیاته
اندازه تطبیق شوي، د چاپیریال د لا ښه والي په خاطر د یادې پروژې مسؤلینو ته د
فعالیت اړوند نیمګړتیاوې په ګوته شوې او د حل په موخه ورته لازمې سپارښتنې وشوې؛
ترڅو په خپلو چارو کې د چاپېریالي اصولو او معیارونو پلي کولو ته لا زیاته پاملرنه
وکړي.
د شرکت مسؤلینو ژمنه وکړه چې د چاپېریال ساتنې د اصولو او
شرایطو رعایت به کوي او په دې برخه کې به له اړونده ادارې سره هر اړخیزه
همکاري دوامداره وساتي.