وروستی
د اقليمي تکنالوژيو مرکز او شبکې سره دوه اړخیزه ناسته ترسره شوه
د اقليمي بدلون په هکله د ملګرو ملتونو کنوانسيون تر چتر لاندې د غړو هېوادونو په پنځه ويشتم کنفرانس COP25 په لړ کې د افغانستان اسلامي جمهوري دولت پلاوي د اقليمي تکنالوژيو مرکز او شبکې سره دوه اړخیزه ناسته وکړه.
په پيل کې د افغانستان اسلامي جمهوري دولت به استازيتوب د چاپېريال ساتنې ملي ادارې د پاليسۍ او نړيوالو اړيکو معين ښاغلي ادريس مليار د اقليمي ټکنالوژيو د لېږد په برخه کې د اقليمي بدلون د پروژو د لېږد کاري پرمختګونو او د اقليمي تکنالوژيو مرکز او شبکې تخنيکي مرستو په هکله چې د چاپېريال ساتنې ملي ادارې له وړاندې څخه د کرنې، اوبو او انرژۍ په سکتورونو کې د اقليمي بدلون سره د سازښت لرونکې ټکنالوژۍ د اړتياو د ارزونې پروژه تطبيق کړې ده، مننه وکړه.
ورپسې د اقليمي تکنالوژۍ مرکز او شبکې په استازيتوب آغلې روز ميبازې د ياد مرکز په هکله مفصل معلومات وړاندې کړل او څرګنده يې کړه چې د اقليمي تکنالوژۍ د پروژو د لېږد برنامې پيشنهادي طرحه د افغانستان لپاره د مثمرې انرژۍ په برخه کې د اقليمي تکنالوژيو د مرکز او شبکې شته فرصتونه دي، چې افغانستان کولی شي له دې فرصتونو څخه ډېره ګټه پورته کړي.
د ليدنې په ترڅ کې دواړو اړخونو د اقليمي تکنالوژۍ د مرکز او شبکې په کاري ساحو کې د وړانديزونو د وړاندې کولو او تطبيقولو په هکله هوکړې ته ورسېدل او د چاپېريال ساتنې ملي ادارې له لوري ژمنه وشوه؛ ترڅو ذکر شوي موضوعات په راتلونکي کې وڅاري.