وروستی
د چاپېریال ساتنې ملي ادارې عمومي رئیس په مشرۍ اداري غونډه وشوه
۱۴۴۷کال
د شوال ۱۷مه/
کابل
د چاپېریال ساتنې ملي ادارې عمومي رئیس الحاج مولوي مطیع
الحق خالص په مشرۍ نن شنبه د ۱۴۰۵کال
د وري میاشتې په ۱۵مه
نېټه د دې ادارې د بند امیر غونډو په تالار کې اداري غونډه ترسره شوه.
په دې غونډه کې د ادارې مسلکي او پالیسي معین ډاکټر مولوي زین
العابدین عابد، مالي او اداري معین مُلا سعدالدین سعید، ټولو رئیسانو او مستقلو
آمرینو ګډون کړی وو.
غونډه د قران عظیم الشان مبارکو آیتونو په تلاوت پیل شوه
ورپسې د چاپېریال ساتنې ملي ادارې عمومي رئیس الحاج مولوي مطیع الحق خالص ګډونوالو
ته ښه راغلاست ووایه او د اداري چارو د چټکتیا او همغږۍ د پیاوړتیا په تړاو یې هر
اړخیزه وینا وکړه.
د غونډې په لړ کې ګډونوالو د موجوده اداري ستونزو د حل په اړه
بحث او خبرې وکړې او پرېکړه وشوه چې د لومړيتوبونو په پام کې نیولو سره شته ستونزو
ته مناسبې حل لارې چارې ولټول شي.
عمومي رئیس مسوولینو ته سپارښتنې وکړې چې د کارونو د چټکتیا
په پار دې همغږي پیاوړې او د وظیفوي تداخل څخه دې ډډه وشي.
ښاغلي خالص ټینګار وکړ چې مسوولین دي د خپلو مسوولیتونو او
صلاحیتونو مطابق ادارې چارې ترسره، نظم او ډسپلین ته جدي پاملرنه وکړي.
همدارنگه په غونډه کې د چاپېریال ساتنې ملي ادارې پالیسي او
مسلکي مرستیال مولوي ډاکټر زینالعابدین عابد او مالي او اداري مرستيال ملا سعدالدین
سعید هم ویناوي وکړې او له مسوولينو څخه یې وغوښتل چې ورسپارل شوي دندي او مسوولیتونه
په صداقت او ایماندارۍ سره سرته ورسوي.
