وروستی
د آسمايي غره د زرغونتیا په تړاو د جوړې شوې کمېټې ترسره شوي اجرات و ارزول شول
۱۴۴۷ کال د شوال ۲۸مه/ کابل
د کابل ښار آسمایي غره لمنو کې د نیالګیو کېنولو او سمسورتیا
په تړاو د ریاست الوزراء عالي مقام د ۲۵۵۲ګڼه
حکم د تطبیق په پار د چاپېریال ساتنې ملي ادارې پالیسي او مسلکي معین مولوي ډاکټر
زین العابدین عابد په مشرۍ د مؤظفې کمېټې غونډه وشوه.
یاده غونډه نن چهارشنبه د ۱۴۰۵کال د حمل میاشتې په ۲۶مه نېټه د دې ادارې د بند امیر
غونډو په تالار کې جوړه شوې وه چې پکې د کرنې، اوبو لګولو او مالدارۍ وزارت، اوبو
او انرژۍ وزارت، د اوبو رسونې او کانالیزاسیون امارتي شرکت او همداراز کابل ښاروالۍ
استازو ګډون کړی وو.
پیل کې د قران عظیم الشان مبارک ایتونه ولوستل شول ورپسې د
چاپېریال ساتنې ملي ادارې پالیسي او مسلکي مرستیال مولوي ډاکټر زین العابدین عابد
د ریاست الوزراء عالي مقام د حکم د تطبیق په هکله خبرې وکړې او هیله یې څرګنده کړه
چې یاده کمېټه وکولی شي د کابل شاوخوا ټول غرونه شنه او سمسور کړي.
ښاغلي عابد د کمېټې غړو ته سپارښتنه وکړه چې د اسمایي غره د
شنه کولو په پار دې هر اړخیزه ارزونه وکړي او ژر تر ژره دې د یوه جامع پلان له مخې
عملي کار پیل شي.
د غونډې په لړ کې د کمېټې د غړو لخوا د اسمایي غره د لمنو
شنه کېدو د څرنګوالي په هکله هر اړخیز بحث او خبرې وشوې او پرېکړه وشوه چې تر بشپړې
ارزونې وروسته دې راتلونکې اونۍ کې د عملي کار د پیل لپاره غونډه ترسره شي.
د یادونې وړه ده چې د ریاست الوزراء عالي مقام ۱۸/۴/۱۴۴۷ نېټې (۲۵۵۲) ګڼه حکم په ۶بند کې د چاپېریال ساتنې ملي
ادارې، کرنې، اوبو لګولو او مالدارۍ وزارت او کابل ښاروالۍ ته دنده سپارل شوې چې د
کابل ښار آسمایي غره د لمنو د زرغونتیا لپاره دې په ګډه منظم او دقیق پلان جوړ کړي
او د منظورۍ لپاره دې د ریاست الوزراء عالي مقام ته وړاندې کړي.