وروستی
د اقليمي بدلون کنوانسیون (UNFCCC) په تړاو د ملګرو ملتونو د غړو هېوادونو (COP25) په پنځه ويشتم کنفرانس کې د افغانستان لوړ رتبه پلاوي ګډون وکړ
د چاپېريال ساتنې ملي ادارې عمومي رئيس شاه زمان ميوندي د روان کال د ليندۍ په ۲۰مه نېټه د افغانستان اسلامي جمهوري دولت په استازيتوب د يو لوړ پوړي پلاوي په مشرۍ د اقليمي بدلون کنوانسیون په تړاو د ملګرو ملتونو د غړو هېوادونو په پنځه ويشتم کنفرانس کې چې د هسپانيا په مادريد ښار کې ترسره شو ګډون وکړ او خپله بيانيه يې وړاندې کړه.
ښاغلي ميوندي د دې کنفرانس له چمتو کوونکو څخه په مننې سره وويل: افغانستان که څه هم ډېرو ستونزو او ننګونو سره مخ دی؛ خو بيا يې هم په خپله ملي آجنډا کې اقليمي بدلون او تلپاتې پراختيا ته ځای ورکړی دی.
نوموړي د اقليمي بدلون پر وړاندې د مبارزې لپاره درې مهمو ټکو ته اشاره وکړه:
۱- د اقليمي تقويتي او حمايتي اقداماتو لپاره نړيوالې اجماع ته اړتيا لرو او پرمختللي هېوادونه بايد په دې برخه کې ډېره هڅه وکړي او رهبري کوونکی رول ولوبوي او دا دې وښيي چې لوی اقتصادونه او صنعتونه څنګه کولای شي په راتلونکي کې د اقليمي بدلونون د را کمولو لپاره اغېزمن واقع شي.