وروستی
د اقليمي بدلون په هکله د ملګرو ملتونو کنوانسيون (UNFCCC) د غړو هېوداونو د پنځه ويشتم کنفرانس(COP25) په ترڅ کې د افغانستان اسلامي جمهوري دولت د سازښت صندوق (Adaptation Fund) له مسوول سره ول
په پيل کې د افغانستان اسلامي جمهوري دولت پلاوي په استازيتوب د چاپېريال ساتنې ملي ادارې عمومي رئيس شاه زمان ميوندي د اقليمي بدلون د اغېزو پر وړاندې افغانستان ته د زيان اوښوتو او د هوا د ککړتيا په هکله خبرې وکړې او د سازښت صندوق ته د افغانستان اسلامي جمهوري دولت وړانديزونو د تائيدۍ په برخه کې يې د ياد صندوق له ملاتړ څخه مننه وکړه.
ورپسې د سازښت صندوق مسوول ښاغلي ميکو اوليکاينين د ياد صندوق د شته تخنيکي او مالي فرصتونو ته اشاره وکړه او ژمنه يې وکړه چې د اقليمي بدلون سره د سازښت او په هېواد کې د شنو کوريزو ګازونو د راکمولو په برخو کې به له هېڅ ډول همکاريو څخه ډډه ونکړي.
په پای کې ښاغلي ميوندي د کليو د پراختيا او بيا رغونې وزرات ته د ۹.۴ ميلونه ډالرو په ارزښت د افغانستان اسلامي جمهوري دولت په پيشنهادي طرحې د تائيدۍ او د سازښت صندوق او د اقليمي بدلون ملي صندوق د رامنځ ته کولو ته د ملي تطبيق کوونکي بنسټ (NIE) د رامنځ ته کولو ته اشاره وکړه او په دې برخه کې د ياد صندوق د جدي ملاتړ غوښتونکی شو.