وروستی
د خان سټیل او میهن سټیل د وسپنې ویلې کولو فابریکو څخه لیدنه وشوه
د چاپېریال ساتنې ملي ادارې عمومي رئیس شاه زمان میوندي په مشرۍ، د کابل ښاروالۍ معیینې او کورنیو چارو وزارت استازو په ملتیا د قدرمنو هېوادوالو د شکایتونو په اساس چې ګواکې د خان سټیل او میهن سټیل فابریکو فعالیت د هوا ککړتیا لامل ګرځي؛ نو په همدې پار د چاپېریال ساتنې ملي ادارې او کابل ښاروالۍ ګډ تخنیکي ټیم، یادې فابریکې له نېږدې وکتلې او هغه ادعاوې چې په ټولنیزو رسنیزو کې لاس په لاس کېدې بې اساسه وبللې؛ د یادو فابریکو د سونګ سیسټمونه معیاري او په فلترونو سمبال وو.
د چاپېریال ساتنې ملي اداره د قدرمنو هېوادوالو له نېک احساس څخه چې د چاپېریال ساتنې پر وړاندې یې لري، مننه کوي. موږ هیله مند یو چې د هر ډول سرغړوونکو فعالیتونه په اړه راپور راکړئ؛ ترڅو عاجل اقدامات ترسره شي.
یادښت: د چاپېریالي ستونزو په لیدلو سره کولائ شئ موږ ته په ۱۶۹ شمېرې زنګ ووهئ او همدا راز د وټسپ شمېرې (0745642828) له لارې د ککړوونکو فعالیتونو انځورونه او ویډیوګانې را واستوئ.