وروستی
په افغانستان کې د اروپايي ټولنې د څانګې له خوا د چاپېريال ساتنې ملي ادارې پروژه تائيد شوه
د مرغومي ۱۷مه، ۱۳۹۸ _ کابل
د اقليمي بدلون مالي واحد په چوکاټ کې د تخنيکي همکاريو په برخه کې د چاپېريال ساتنې ملي ادارې پيشنهادي طرحه ومنل شوه.
دا طرحه د چاپېريال ساتنې ملي پاليسۍ ودې او د اقليمي بدلون نړيوالو مالي ميکانيزمونو ته د لاسرسۍ په موخه ترتيب شوې ده.
د دې پروژې مالي لګښت دو سوه شپېته زره يورو کېږي، چې د يو کال لپاره په پام کې نيول شوې ده.
د چاپېريال ساتنې ملي اداره له دې پروژې څخه د ملي پاليسۍ ودې، د اقليمي بدلون نړيوالو مالي ميکانيزمونو ته د لاسرسۍ، د شنوکوريزو ګازونو د خپرېدو کمولو او د اقليمي بدلون اغېزو سره د سازښت په برخو کې ګټه پورته کوي.
د دې پروژې تطبيقي پړاو به د 2020 زيږديز کال په فبرورۍ کې د چاپېريال ساتنې ملي ادارې له لوري د پلان جوړونې او مدیریت کمپنۍ (PPM) په همکارۍ پيل شي.
د چاپېريال ساتنې ملي اداره د اروپايي ټولنې او نورو همکارو بنسټونو څخه په دې برخه کې مننه او قدرداني کوي.