وروستی
د چاپېریال ساتنې ملي ادارې خبرداری
درنو هېوداولو!
څرنګه چې د رسنيو له لارې خبرېږئ، د پلازمېنې د ککړې هوا پر وړاندې مبارزه او نظارتي تدابيرهره ورځ په پوره قوت سره روان دي. تر دې دمه نږدې درې سوه سيمې او د هوا ککړوونکې سرچينې تفتيش شوي او له سلو څخه ډېر موارد د سرغړونو له امله تړل شوي دي.
د سړې هوا لوړې کچې او د ګازو د قيمت لوړېدو ته په کتو ممکنه ده د هوا ککړتیا ډېره شي، نو په همدې اساس له مسوولو بنسټونو څخه د ګازو او سونګ توکو د قيمت د کنټرول ترڅنګ ټينګار کوو هغه څه چې زموږ مسووليت دی، هغه ته به رسيده ګي کېږي او به هېڅ صورت به له قانون او مقرراتو څخه د سرغړونې اجازه ورنکړل شي.
د چاپېريال ساتنې ملي ادارې رهبري د خپل قانوني مسووليت په درکولو او له فرصت څخه په استفادې يو ځل بيا د ټولو تصديو مالکينو ته خبرداری ورکوي چې د دې ادارې د تفتيش او کنټرول ټيم له رسېدو څخه مخکې پخپله د فلتر دستګاوې نصب کړي او کنه د سرغړونې په صورت کې به يې د مرکز ګرميو سيستمونه وتړل شي او د اصلاح او سمونې د نه راوستو په صورت کې به عدلي او قضايي بنسټونو ته وروپېژندل شي.
د شکايت د ثبتولو او له موږ سره د اړيکو نيولو لپاره په لاندې شمېرې سره اړيکه نيولی شئ:
ټيليفون: شارټ کوډ 169
واټساپ: 0745642828