وروستی
د پلازمېنې هوا د ککړوونکو سرچينو د نظارت او تفتيش په داوم
د مرغومي ۳۰مه – کابل
د جدي اقداماتو په دوام د چاپېریال ساتنې ملي ادارې، کابل ښاروالۍ او د کورنيو چارو وزارت د نظارت او تفتيش ګډ ټيم د کابل ښار له مختلفو اصنافو څخه ليدنه وکړه او د هوا ککړوونکي سرچينې يې و ارزولې.
د دې ارزونې په ترڅ کې د کابل ښار د شپږمې او لسمې ناحيو مختلفې تصديو ۷ مرکز ګرمۍ وارزول شوې، چې به پايله کې د کابل ښار په شپږمه ناحيه کې د حسين زاده سنټر د سونګ سيستم چې له تخنيکي اړخ څخه يې لازم تدابیر نه و نيولي ( فلتر يې نه و نصب کړی ) وتړل شو.
همدارنګه د مختلفو دولتي ادارو د نظارت او تفتيش ګډ ټيم، په شپږمه ناحيه کې يې د ۶ لوړپوړيزو ودانيو له مالکينو څخه ژمنه واخيسته ترڅو ژر تر ژره په خپلو سونګ مرکزونو کې د دود فلتر دستګاوې نصب کړي او د سرغړونې په صورت کې به له جدي او قانوني غبرګون سره مخ شي.
د يادونې وړ ده چې د تېرو څو اونيو په ترڅ کې د (۲۹۶) تصديو د سونګ سيستمونو او مرکز ګرميو څخه ليدنه شوې چې په پايله کې (۱۲۷) ځايونه د معياري سونګ سيستم د نشتون له امله تړل شوي او (۱۰۸) نورو تصديو د خپل سونګ سيستمونه اصلاح کړي او (۵۱) نورو تصديو د خپلو سونګ سيستمونو د اصلاح کولو ژمنې کړې دي.