وروستی
ټاکل شوی پلاوی: په کابل ژوبڼ کې د زمریانو د بد حالت په اړه د خلکو ناسمې څرګندونې دروغ او بې اساسه دي.
د لیندۍ۳۰مه ــ کابل
په ټولنیزو رسنیو کې تازه خپاره شوي خبرونه ، چې ګواکې د کابل ژوبڼ د زمریانو له جملې څخه د یوه زمري روغتیایي حالت د اندېښنې وړ دی.
د دې موضوع په تړاو نن یکشنبه د لیندۍ په ۳۰مه د چاپېریال ساتنې ملي ادارې له خوا کابل ژوبڼ ته پلاوی واستاوه؛ تر څو د شته زمریانو روغتایي حالت له نېږدې وارزوي.
د چاپېریال ساتنې ملي ادارې له لوري ټاکلي شوي پلاوي د کابل ژوبڼ درې زمریان له نېږدې وکتل او وروسته له ژورو څېړنو جوته شوه، چې په ټولنیزو رسنیو کې خپاره شوي خبرونه بې اساسه او دروغ دي.
ځینې دا هم وایي: چې هغه زمری چې روغتیایي حالت یې د اندېښنې وړ دی، په کابل ژوبڼ کې په دې رنګ او جسامت کوم زمری نه شتون لري او نه هم ساتل کېږي.