وروستی
د هوا د ککړتيا له امله د اوښتونکو زیانونو د مخنيوي په اړه معلوماتي کڅوړه
معمولا د اوړي په پرتله د ژمي په يخ موسم کې د هوا ککړتيا درجه ډېره وي. د کابل ښار د ژمي موسم په جريان کې د مختلفو لاملونو لکه: د نفوس ډېروالی، د نقليه وسايلو ډېرښت، د خښتو د پخولو بټيو شتون، د واټونو او کوڅو خاموالی او په ځانګړي ډول له سکرو ډبرو او نورو فوسيلي دود زېږوونکو موادو څخه د ښاريانو ګټه اخيستل د هوا د ککړتيا لامل ګرځي.
د چاپېريال ساتنې ملي اداره په داسې حال کې چې په سهار او ماښام کې د هوا د ککړتيا کچه مقطعی او لنډ مهاله ګڼي، خو د کابل ښاريانو روغتيا ته د جدي پاملرنې په پار د لاندې تدابيرو توصيه کوي:
۱- درانه ښاريان دې د سهار او ماښام په مودو کې چې د هوا د ککړتيا کچه لوړه وي، له ماسک څخه ګټه پورته کړي.
۲- هغه کسان چې د غير تصفيه شويو سکرو ډبرو څخه ګټه پورته کوي، لارښوونه ورته کېږي چې له کارونې څخه مخکې سکاره ډبرې ووينځي.
۳- د ربړونو، پلاستيک او نورو هغه دود زيږوونکوونکو موادو له ګټې اخيستنې څخه دې ډډه وشي چې د هوا د ککړتيا سبب ګرځي.
۴- په غير ضروري حالاتو کې د نقليه خصوصي وسايلو پرځای له عمومي نقليه وسايلو څخه ګټه پورته کړئ.
۵- د خپلو نقليه وسايلو خراب او مشکل لرونکي انجنونه مخکې له دې چې د ښار واټونو ته دننه کړئ، ترميم يې کړئ.
۶- د ټولو لوړ پوړيزو ودانيو، حمامونو، مختلفو اصنافو، پوهنتونونو، دولتي او غير دولتي تاسيساتو له مالکينو څخه په جدي توګه غوښتنه کېږي چې د خپلو ملکيتونو دود زېږوونکو ځايونو پر سر د دود فلتر نصب کړي.
۷- هغه ماشومان او د ډېر عمر لرونکي خاوندان چې په تنفسي ناروغيو ککړ دي او کورونه يې د ښار د تپو او غرونو په لمنو کې دي، لارښوونه ورته کېږي چې که عاجله اړتيا نه وي، نو د سهار او ماښام په مودو کې دې له خپلو کورونو څخه نه بهر کېږي.
۸- د نقليه وسايلو له مالکينو څخه هيله کېږي چې د توقف او درېدو پر مهال د خپلو نقليه وسايلو انجنونه خاموشه کړي.
۹- په قيد او راټولو ځايونو کې او د ماشومانو په شتون کې د د سګرټو له څکولو څخه ډډه وکړئ.
۱۰- د شديدې هوا ککړتيا پر مهال له درنو بدني فعاليتونو او خسته کنه ورزشونو څخه ډډه وکړئ.
۱۱- د زرغون چاپېريال، د هغو ونو چې په ټولو فصلونو کې شنې وي او په قيدو ځايونو کې پرېړو پاڼو لرونکو ګلانو ساتنې ته جدي پاملرنه وکړئ.
۱۲- د خپلو کورونو او د کارځای د ګرمولو لپاره له برېښنا، ګاز او نورو پاکو انرژيو څخه ګټه پورته کړئ.